ស្នងការរាជធានីភ្នំពេញ ព្រមានចាត់វិធានការតាមច្បាប់ ចំពោះយានយន្តដែលពាក់ផ្លាកលេខ ន.ប មិនមានច្បាប់ត្រឹមត្រូវ
នៅព្រឹកថ្ងៃទី២៣ ខែមិថុនា ឆ្នាំ២០២០ លោក ស ថេត អគ្គស្នងការរង និងជាស្នងការនគរបាលរាជធានីភ្នំពេញ បានចុះត្រួតពិនិត្យការបិទឡូហ្គោសញ្ញានគរបាលជាតិ (រាជសីហ៍) នៅស្នងការដ្ឋាននគរបាលរាជធានីភ្នំពេញ។
ក្នុងឱកាសនោះដែរ លោកស្នងការ បានណែនាំដល់តាមបណ្តាអង្គភាព និងមន្ត្រីពាក់ព័ន្ធទាំងអស់ ត្រូវប្រើប្រាស់យានយន្តរបស់អង្គភាពឲ្យបានត្រឹមត្រូវ និងហាមដាច់ខាតការយក យានយន្តរបស់អង្គភាពទៅប្រើប្រាស់ជាលក្ខណៈឯកជន ឬបម្រើឲ្យក្រុមគ្រួសារឡើយ។
លោកស្នងការ បានសង្កត់ធ្ងន់ថា យានយន្តដែលពាក់ផ្លាកលេខ ន.ប ដែលមិនមានច្បាប់អនុញ្ញាតត្រឹមត្រូវ ត្រូវតែដោះចេញជាបន្ទាន់ បើមិនដូច្នេះទេនឹងត្រូវមានវិធានការណ៍តាមច្បាប់៕
សំណូមពរ:
រាល់់ការបញ្ចេញមតិរបស់លោកអ្នក សូមប្រកបដោយក្រមសីលធម៌!