លោកនាយករដ្ឋមន្ត្រី ហ៊ុន សែន បានប្រកាសទិញម៉ាស៊ីនព្រួសស្រូវប្រភេទធន់ធំចំនួន១,០០០គ្រឿង និងប្រភេទធន់តូច១,០០០គ្រឿង
ប្រមុខរាជរដ្ឋាភិបាលកម្ពុជា លោកនាយករដ្ឋមន្ត្រី ហ៊ុន សែន បានប្រកាសទិញម៉ាស៊ីនព្រួសស្រូវប្រភេទធន់ធំចំនួន១,០០០គ្រឿង និងប្រភេទធន់តូច១,០០០គ្រឿង ដើម្បីផ្ដល់ជូនប្រជាពលរដ្ឋក្នុងការប្រើប្រាស់នៅក្នុងវិស័យកសិកម្ម ។
ការប្រកាសរបស់លោកនាយករដ្ឋមន្ត្រីបែបនេះ ធ្វើឡើងនៅក្នុងឳកាសដែលលលោកបានអញ្ជើញចុះទៅពិនិត្យការបង្កបង្កើនផលស្រូវ និងសំណេះសំណាលជាមួយប្រជាកសិករ ក្នុងស្រុកព្រៃកប្បាស ខេត្តតាកែវ នាព្រឹកថ្ងៃទី២១ ខែកក្កដា ឆ្នាំ២០២០ ។
ជាមួយនឹងការប្រកាសទិញម៉ាស៊ីនព្រួសស្រូវប្រភេទធន់ធំចំនួន១,០០០គ្រឿង និងប្រភេទធន់តូច១,០០០គ្រឿង នេះ លោកនាយករដ្ឋមន្ត្រី ហ៊ុន សែន ក៏បានប្រកាសនឹងផ្តល់ជូនបងប្អូនប្រជាកសិករចំនួន ១៣០គ្រួសារ ដែលក្នុង១គ្រួសារទទួលបានម៉ាស៊ីននេះមួយគ្រឿង ផងដែរ ។
លោកនាយករដ្ឋមន្ត្រី ហ៊ុន សែន បានថ្លែងថា ប្រទេសកម្ពុជាបានផ្ទេរពីការអភិវឌ្ឍកសិកម្មតាមបែបទូលំទូលាយ ទៅជាកាអភិវឌ្ឍបែបស៊ីជម្រៅ ដែលជាការធ្វើស្រែចម្ការ នាពេលបច្ចុប្បន្ននេះ គឺបានប្រើប្រាស់នូវបច្ចេកវិទ្យាថ្មី គ្រឿងកសិកម្មទំនើបៗ ដែលងាយស្រួលជាងកាលពីមុន ។
នៅក្នុងឳកាសនោះដែរ លោកនាយករដ្ឋមន្ត្រី ក៏បានអញ្ជើញពិនិត្យមើលការធ្វើស្រែដោយប្រើគ្រឿងចក្រទំនើបៗដូចជាម៉ាស៊ីនភ្ជួស្រែ ម៉ាស៊ីនរាស់ដី ម៉ាស៊ីនព្រួសស្រូវ ម៉ាស៊ីនស្ទូង និងម៉ាស៊ីនច្រូតស្រូវ ដោយក្នុងនោះ លោកនាយករដ្ឋមន្ត្រី ក៏បានបញ្ជារគ្រឿងចក្រទាំងអស់នោះ ដើម្បីស្វែងយល់ពីប្រសិទ្ធភាពការងារ ផងដែរ ៕
រាល់់ការបញ្ចេញមតិរបស់លោកអ្នក សូមប្រកបដោយក្រមសីលធម៌!