អាជ្ញាធរ ជួសជុលកំណត់ផ្លូវឡើងវិញ ក្នុងភូមិសាស្ត្រស្រុកព្រៃនប់
អភិបាលខេត្តព្រះសីហនុ ដឹកនាំមន្ត្រីជំនាញ ចុះពិនិត្យស្ថានភាព នៃការជួសជុលកំណត់ផ្លូវលេខ ១៤៦បេ (វិថីសម្តេចព្រះសង្ឃរាជ ទេព វង្ស) និងពិនិត្យស្ថានភាពផ្លូវ និងប្រព័ន្ធ អូរ ប្រឡាយ ស្ថិតក្នុងភូមិសាស្ត្រស្រុកពៃ្រនប់ ។
ក្នុងឳកាសនោះ លោក គួច ចំរើន អភិបាលខេត្តព្រះសីហនុ បានជម្រុញឱ្យក្រុមហ៊ុនពន្លឿនការជួសជុល កំណាត់ផ្លូវនេះឱ្យបានឆាប់ ។ ទន្ទឹមនេះចំនុចទីតាំងផ្លូវដែលរងការខូចខាតខ្លាំងបណ្តាលមកពីទឹកហូរច្រោះកាលពីប៉ុន្មានថ្ងៃមុន ត្រូវបានជួសជុលបណ្តោះអាសន្ន និងដាក់ឱ្យធ្វើចរាចរណ៍ជាធម្មតាឡើងវិញហើយ ។
បន្ទាប់ពីចុះពិនិត្យផ្លូវលេខ១៤៦បេ(វិថីសម្តេចព្រះសង្ឃរាជ ទេព វង្ស) រួចមក លោក គួច ចំរើន អភិបាលខេត្តព្រះសីហនុ ក៏បានបន្តដំណើរពិនិត្យស្ថានភាពផ្លូវ និងប្រព័ន្ធ អូរ ប្រឡាយ ស្ថិតក្នុងភូមិសាស្ត្រស្រុកពៃ្រនប់ បន្តទៀត ផងដែរ ។
ជាមួយគ្នានេះ លោកអភិបាលខេត្ត ក៏បានធ្វើការណែនាំដល់លោកប្រធានមន្ទីរសាធារណការ និងដឹកជញ្ជូន និងប្រធានមន្ទីរធនធានទឹក និងឧតុនិយម ធ្វើការកាយស្តារអូរប្រឡាយ ដើម្បីបើកមុខទឹក និងសម្រួលចរន្តទឹកហូរបានលឿន ដែលអាចបញ្ចៀស ឬកាត់បន្ថយនូវការលិចលង់ភូមិដ្ឋានប្រជាពលរដ្ឋដោយសារជំនន់ទឹកភ្លៀង ៕
រាល់់ការបញ្ចេញមតិរបស់លោកអ្នក សូមប្រកបដោយក្រមសីលធម៌!