តាមរយៈក្រសួងសុខាភិបាល បានបង្ហាញអោយដឹងថា ជំងឺគ្រុនឈីក គឺជាជំងឺមួយប្រភេទ ដែលបង្កឡើងដោយ វីរុសឈីក តាមរយៈមូសខ្លា ជាភ្ញាក់ងារចម្លងជំងឺនេះ ។ ជំងឺគ្រុនឈីកនេះទៀតសោត បានកើតលើមនុស្សគ្រប់វ័យទាំងអស់ ។

ក្រសួងសុខាភិបាល បានបន្តអោយដឹងថា រោគសញ្ញា នៃជំងឺគ្រុនឈីកនេះ រួមមាន ៖

- គ្រុនក្តៅ ៣ ទៅ ៤ ថ្ងៃ

- ឈឺសន្លាក់ឆ្អឹងជាច្រើនកន្លែង

- មានស្នាមកន្ទួល ឬក្រហមលើកស្បែក ។ 

ដោយឡែក វិធានការការពារជំងឺគ្រុនឈីកនេះ វិញ គឺត្រូវ ៖

- បំបាត់ប្រភពដង្កូវទឹកមូសខ្លា

- ប្រមូលរាល់វត្ថុដក់ទឹកបាន កម្ទេច ឬកប់ចោល

- បំបាត់គុម្ពោតស៊ុបទ្រុបនៅជុំវិញផ្ទះ

- កុំគេងនៅទីងងឹតនៅពេលថ្ងៃ ត្រូវគេងក្នុងមុង

- កុមារ មនុស្សចាស់ត្រូវស្លៀកសម្លៀកបំពាក់វែងៗការពារមូស

-បើកទា្វរ បង្អួចផ្ទះឱ្យពន្លឺថ្ងៃចេញចូលគ្រប់គ្រាន់ ដើម្បីដេញមូសខ្លា។ 

តែយ៉ាងណាក្ដី ជំងឺនេះ មិនបណ្តាលឱ្យអ្នកជំងឺស្លាប់នោះទេ លើកលែងតែមានជំងឺផ្សេងៗ រួមផ្សំដូចជា៖ ជំងឺគ្រុនឈាម គ្រុនចាញ់ ឬជំងឺរលាកស្រោមខួរ ជាដើម ៕