អនុគណៈកម្មការស្រាវជ្រាវជំងឺកូវីដ ១៩ បង្ហាញទីតាំងមួយចំនួន ជាទីកន្លែងហានិភ័យនៃការឆ្លងកូវីដ ខណៈរកឃើញអ្នកជំងឺ ជាបុគ្គលិកនៅទីនោះ

អនុគណៈកម្មការស្រាវជ្រាវជំងឺកូវីដ ១៩ អំពាវនាវអោយពលរដ្ឋដែលបានទៅប្រើប្រាស់សេវានៅតាមទីតាំងមួយចំនួន ត្រូវដាក់ខ្លួនដាច់ដោយឡែក និងយកចិត្តទុកដាក់តាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលបានប៉ះពាល់ ឬបានទៅទីកន្លែងមានហានិភ័យនៃការឆ្លងជំងឺកូវីដ១៩ ។

តាមរយៈបណ្ដាញហ្វេសប៊ុក នៅថ្ងៃទី ២៣ ខែមេសា ឆ្នាំ២០២១នេះ អនុគណៈកម្មការស្រាវជ្រាវជំងឺកូវីដ ១៩ បានអោយដឹងថា មានទីតាំងអាជីវកម្មមួយចំនួន រួមទាំងមន្ទីរពេទ្យ ផងដែរ បានចាត់ទុកជាទីកន្លែងមានហានិភ័យនៃការឆ្លងជំងឺកូវីដ១៩ ដោយក្នុងនោះ រួមមាន ៖

ក្រុមហ៊ុន វីរៈ ប៊ុនថាំ សាខាវត្តភ្នំ ផ្នែកបញ្ញើឥវ៉ាន់ ចាប់ពីថ្ងៃទី ១០ ដល់ថ្ងៃទី១៩ ខែមេសា ឆ្នាំ២០២១ ដោយមូលហេតុថា រកឃើញអ្នកជំងឺកូវីដ១៩ គឺជាបុគ្គលិកធ្វើការនៅទីតាំងនេះ
សេវាសម្ភពនៅមន្ទីរពេទ្យមិត្តភាពខ្មែរ-សូវៀត ចាប់ពីថ្ងៃទី១៦ ដល់ថ្ងៃទី ១៩ ខែមេសា ឆ្នាំ២០២១ ដោយមូលហេតុថា អ្នកជំងឺកូវីដ១៩ ជាអ្នកធ្វើការនៅទីតាំងនេះ
មន្ទីរពេទ្យស្រឡាញ់ទារក ឬ ហៅថា ពេទ្យជប៉ុន នៅថ្ងៃទី១៧ ខែមេសា ឆ្នាំ២០២១ ដោយមូលហេតុថា អ្នកជំងឺកូវីដ១៩ បានទៅចាក់វ៉ាក់សាំង នៅទីតាំងនេះ
ក្រុមហ៊ុន វីរៈ ប៊ុនថាំ សាខាផ្សាររាត្រី (ផ្សារចាស់) ផ្នែកបញ្ញើឥវ៉ាន់ ចាប់ពីថ្ងៃទី ១០ ដល់ថ្ងៃទី១៩ ខែមេសា ឆ្នាំ២០២១ ដោយមូលហេតុថា អ្នកជំងឺកូវីដ១៩ គឺជាបុគ្គលិកធ្វើការ នៅទីតាំងនេះ
បណ្ណាល័យ សន្តិភាព សាខាផ្លូវនរោត្តម ចាប់ពីថ្ងៃទី៦ ដល់ថ្ងៃទី ១៤ ខែមេសា ឆ្នាំ២០២១ ដោយមូលហេតុថា អ្នកជំងឺកូវីដ១៩ គឺជាបុគ្កលិក ធ្វើការនៅទីតាំងនេះ
ភោជនីយដ្ឋាន ថៃ ម៉ាម៉ា ដែលមានទីតាំងស្ថិតនៅផ្ទះលេខ ១៩ ផ្លូវលេខ ៣៥២ សង្កាត់បឹងកេងកេង១ ខណ្ឌបឹងកេងកង ចាប់ពីថ្ងៃទី៥ ដល់ថ្ងៃទី ១៤ ខែមេសា ឆ្នាំ២០២១ ដោយមូលហេតុថា អ្នកជំងឺកូវីដ១៩ គឺជាបុគ្កលិកធ្វើការ នៅទីតាំងនេះ ខាងផ្នែកអាំងសាច់
មន្ទីរពេទ្យព្រះកុសមៈ ឬហៅថា ពេទ្យលោកសង្ឃ (កម្រិតហានិភ័យខ្ពស់) ចាប់ពីថ្ងៃទី៨ ដល់ថ្ងៃទី១៨ ខែមេសា ឆ្នាំ២០២១ ដោយមូលហេតុថា អ្នកជំងឺកូវីដ១៩ គឺជាបុគ្គលិកធ្វើការនៅទីតាំងនេះ និងមានអ្នកជំងឺកូវីដ១៩ បានទៅសួរសុខទុក្ខ អ្នកជំងឺនៅទីតាំងនេះផងដែរ ។

ជាមួយគ្នានេះ អនុគណៈកម្មការស្រាវជ្រាវជំងឺកូវីដ១៩ បានលើកឡើងដែរថា ប្រសិនបើករណីមានរោគសញ្ញា ដូចជា៖ គ្រុនក្ដៅ, ក្អក, កណ្ដាស់, ឈឺបំពង់ក ឬដកដង្ហើមខ្លីៗ ឬ សង្ស័យ សូមមេត្តាប្រញាប់ទៅធ្វើតេស្តរកមេរោគកូវីដ ១៩ អោយបានទាន់ពេលវេលា ដែលមានទីតាំងនៅ ៖