ក្រសួងទេសចរណ៍និងក្រុមការងារវិស័យឯកជន បង្កើតក្រុមការងារពង្រឹងវិស័យទេសចរណ៍នៅតាមខេត្តសំខាន់ៗ
រដ្ឋមន្ត្រីក្រសួងទេសចរណ៍ លោក ថោង ខុន នៅថ្ងៃទី១១សីហានេះ បានថ្លែងអំពីសភាពការណ៍ និងនិន្នាការទេសចរណ៍កម្ពុជា និងក្នុងតំបន់ ចាប់តាំងពី គោលនយោបាយអភិវឌ្ឍផលិតផលទេសចរណ៍កម្ពុជា ការបណ្តុះបណ្តាលធនធានមនុស្សជំនាញក្នុងវិស័យទេសចរណ៍ ការផ្សព្វផ្សាយផលិតផលទេសចរណ៍ ការសម្រួលការធ្វើដំណើរ និងដឹកជញ្ជូនទេសចរណ៍ ព្រឹត្តិការទេសចរណ៍ថ្មីៗ ហូតដល់គោលនយោបាយថ្មីៗ
ដែលក្រសួងទេសចរណ៍បាន និងកំពុងរៀបចំ ដូចជា គោលនយោបាយនិវេសនដ្ឋានទី២ និងគោលនយោបាយទាក់ទាញ ទេសចរចូលនិវត្តន៍ ជាដើម។
ក្រសួងទេសចរណ៍បានអោយដឹងថា ក្រសួងនិងក្រុមការងារវិស័យឯកជនផ្នែកទេសចរណ៍ បានឯកភាពបង្កើតក្រុមការងារ និងចាត់តាំងមន្ត្រីបង្គោលដើម្បីរៀបចំ កិច្ចប្រជុំពិភាក្សារៀងរាល់៣ខែម្តង នៅភ្នំពេញ សៀមរាប និងខេត្តព្រះសីហនុ។
ក្រុមការងារ២ដើម្បីទំនាក់ទំនងការងារទេសចរណ៍ ជាមួយផ្នែកឯកជនរួមមាន៖ ក្រុមការងារអភិវឌ្ឍគុណភាពផលិតផលទេសចរណ៍ និងក្រុមការងារក្រុមប្រឹក្សាទីផ្សារ និងផ្សព្វផ្សផ្សាយទេសចរណ៍។
ក្រសួងបន្តថា ក្រុមការងារទាំងពីរ ត្រូវរៀបចំជា ក្រុមទំនាក់ទំនងបង្គោល ដែលរួមមានលេខាធិការដ្ឋាន និងក្រុមអនុវត្តការងារ ដើម្បីរៀបចំពិភាក្សាលើវិសាលភាពនៃកិច្ចសហប្រតិបត្តិការលើតារាងកាលបរិច្ចេទព្រឹត្តិការណ៍ទេសចរណ៍ និងផ្នែកឧស្សាហកម្មទេសចរណ៍ ដូចជាអាកាសចរណ៍ ទីភ្នាក់ងារធ្វើដំណើរ សណ្ឋាគារ ជាដើម។
ដោយ៖ សំឡេងយុវជន
រាល់់ការបញ្ចេញមតិរបស់លោកអ្នក សូមប្រកបដោយក្រមសីលធម៌!