២១នាក់ស្លាប់និងរបួសជាច្រើននាក់ផ្សេងទៀតដោយសារគ្រោះថ្នាក់ចរាចណ៍នៅស្វាយរៀង
រូភាព
រូបភាពពីកោះសនិ្តភាព
ស្វាយរៀងៈ កម្មករប្រុស-ស្រីយ៉ាងហោចណាស់ជាង២០នាក់បានស្លាប់ភ្លាមៗនៅកន្លែងកើតហេតុ ដោយសាររថយន្តក្រុងវៀតណាមបុករថយន្តដឹកកម្មករ ខណៈពេលដែលពួកគេកំពុងតែធ្វើដំណើរតាម តាមបណ្តោយផ្លូវជាតិលេខ១ ស្ថិតក្នុងភូមិដើមពោធិ៍ ឃុំតណ្តៀងរាយ ស្រុកស្វាយទាប នៅម៉ោង៦និង៤០នាទីព្រឹកថ្ងៃទី១៩ ឧសភា ២០១៥ ។
សេចក្តីរាយការណ៍មួយបានឲ្យដឹងថា ក្នុងហេតុការណ៍នេះមានកម្មករតែម្នាក់គត់ដែលនៅរស់ហើយរបួសធ្ងន់នោះថែមទៀត ។ មុនពេលកើតហេតុគេឃើញរថយន្តក្រុងវៀតណាមបើកក្នុងទិសដៅពីលិចទៅកើត លុះមកដល់ចំណុចកើតគ្រោះថ្នាក់ រថយន្តក្រុងវៀតណាមបានបើកជែងវ៉ារថយន្តមួួយផ្សេងទៀត ទើបទៅបុករថយន្តដឹកកម្មករដែលបើកបញ្ច្រាសទិសគ្នាចំពីមុខពេញទំហំតែម្តង ។ ក្រោយកើតហេតុអ្នកបើកបររថយន្តបង្កជនជាតិវៀតណាម បានត្រូវឃាត់ខ្លួន ។
ចំណែកប្រភពពីសមត្ថកិច្ចមូលដ្ឋានបានឲ្យដឹង នៅមុននេះបន្តិចថា ក្នុងព័ត៌មានជំហានដំបូងនៃករណីគ្រោះថ្នាក់ចរាចរណ៍ដ៏សាហាវមួយនេះបណ្តាលឲ្យស្លាប់មនុស្សចំនួន ២១នាក់ និងរងរបួសជាច្រើននាក់ លោកថាចំនួនអ្នកស្លាប់អាចនឹងកើនឡើងដោយសារតែស្ថានភាពរបួសធ្ងន់ធ្ងរ៕ម៉ែន ឥទ្ឋិពល
រាល់់ការបញ្ចេញមតិរបស់លោកអ្នក សូមប្រកបដោយក្រមសីលធម៌!
