CNRP កំពុងពង្រឹងផ្ទៃក្នុងបក្ស ខណៈដែល CPPរំលឹកពីគុណសម្បត្តិក្នុងការដឹកនាំ
លោក កឹម សុខា ប្រធានស្តីទីគណបក្សសង្រ្គោះជាតិ បានណែនាំដល់ថ្នាក់ដឹកនាំ និងសកម្មជនគណបក្សសង្រ្គោះជាតិ ឲ្យពិចារណានូវសំនួរចំនួនបី ក្នុងន័យធ្វើយ៉ាងណា ដើម្បីពង្រឹងទួនាទីភារកិច្ចរបស់ខ្លួនត្រៀមឈ្នះឆ្នោតនៅអាណត្តិខាងមុខ ខណៈដែល លោកនាយករដ្ឋមន្ត្រី ហ៊ុន សែនធ្វើបឋកថាបង្ហាញនូវគោលនយោបាយ ឈ្នះ ឈ្នះ របស់ខ្លួន ដល់សមាជិក សមាជិកាគណបក្សប្រជាជន។
កាលពីថ្ងៃទី ២៤ខែ ឧសភាឆ្នាំ ២០១៥ នៅក្នុង ពិធីប្រកាសសុពលភាពក្រុមការងារ គណៈកម្មាធិការប្រតិបត្តិ និងសំ ណេះសំណាលជាមួយរចនាសម្ព័ន្ធគណបក្សសង្គ្រោះជាតិរាជធានីភ្នំពេញនៅភូមិថ្មគោល សង្កាត់ចោមចៅ ខណ្ឌ ពោធិ៍សែនជ័យរាជធានីភ្នំពេញលោក កឹម សុខា បានលើកជាសំនួរចំនួនបីដាក់អោយសកម្មជន គណ បក្ស ស ង្រ្គោះ ជាតិពិចារណា៖ " ទី 1. ថាមានដឹងទេ ថាប្រជាពលរដ្ឋចង់បានអ្វី បានជាពួកគាត់ មក បោះឆ្នោតឲ្យយើងកន្លងមក?
២.ខ្លួនយើង ដែលជាសកម្មជនគណបក្សសង្គ្រោះជាតិមានគោលបំណងចង់បានអ្វី?
៣.ហើយមកដល់ងៃនេះ តើគោលបំណងរបស់យើង ជាអ្នកដឹកនាំគណបក្សសង្រ្គោះជាតិនេះ បានសម្រេចហើយ ឬ នៅ?"
ក្នុងថ្ងៃជាមួយគ្នានេះដែរលោកនាយករដ្ឋមន្ត្រី ហ៊ុន សែន បានធ្វើបឋកថាបង្ហាញនូវគោលនយោបាយ និងទ្រឹស្តីរបស់ខ្លួន ដល់សមាជិក សមាជិកាគណបក្សប្រជាជនកម្ពុជា នៅទីស្នាក់ការ កណ្តាលគណបក្សប្រជាជនកម្ពុជា។ លោកនាយករដ្ឋមន្រ្តី មានប្រសាសន៍ថា ចាប់តាំងពីលោកដឹកនាំប្រទេសក្នុងវ័យត្រឹមជាង ២០ឆ្នាំនោះ គឺបានដើរតួចរចាស្វែងរកសន្តិភាព និងការបង្រួបបង្រួមសម្រាប់ជាតិច្រើនជាងការប្រើប្រាស់កម្លាំង។ លោកថា បឋកថារបស់លោកមានអត្ថន័យធំធេងសម្រាប់ប្រជាជាតិខ្មែរ គឺបង្ហាញថា មានតែការចរចា ការសន្ទនា ការផ្សះផ្សារ ជាមធ្យោបាយដ៏ប្រសើរបំផុតសម្រាប់ប្រទេស ដែលធ្លាប់ខ្ទេចខ្ទីដោយសង្រ្គាម។
គេសង្កេតឃើញថាសកម្មភាពរបស់គណបក្សនយោបាយដែលមានអាសនៈនៅក្នុង សភាទាំងពីរក្នុង អាណត្តិនេះខុសប្លែកពីអាណត្តិមុនៗ ខុសគ្នាត្រង់ថា ក្នុងអាណត្តិនេះគឺសកម្មភាព ចុះពង្រឹងបក្សនៅតាមមួលដ្ឋានរបស់គណបក្សនិមួយៗ គឺមានតាំងពីដើមអាណត្តិទី ៥នេះមកម្ល៉េះ។ ជាមួយគ្នានេះ ជាញឹកញាប់គណប្សនិមួយៗ តែងយកវេទិការរបស់បក្សផ្ញើសារវាយប្រហាគ្នាទៅវិញទៅមក បើទោះជា ការបោះឆ្នោតបានកន្លងផុតទៅឬនៅយួទៀតក៏ដោយ ដែលធ្វើប្រទេសជាតិ និងប្រជាពលរដ្ឋហាក់នៅឆ្ងាយពីការអភិវឌ្ឍន៍ ដោយថ្នាក់ដឹកនាំរវល់តែវាយប្រហាគ្នា។
គួរំលឹកថាបន្ទាប់ពីមានបញ្ហាក្នុងសង្គមជាច្រើន ដូចជា បញ្ហាជំលោះដីធ្លី ការបណ្តេញប្រជាពលរដ្ឋចេញពីលំនៅដ្ឋានទាំងបង្ខំ ការរំលោភសិទ្ធិកម្មករ-កម្មការនី ជាដើម លោកនាយករដ្ឋមន្ត្រី ហ៊ុន សែន ធ្លាប់បានសំណូមពរដល់ប្រជាពលរដ្ឋនៅទូទាំងប្រទេស កុំអោយខឹងគោវាយរទេះគឺលោក ចង់មានន័យថាបើជាពលរដ្ឋខឹងមន្ត្រីថ្នាក់ក្រោយ សូមកុំខឹងហើយ មិនបោះឆ្នោតជួនលោក។
បន្ទាប់ពីបាត់កៅអីចំនួន ២២នៅរដ្ឋសភា គណប្សប្រជាជនទំនងជាកំពុងតែរកវិធីសាស្ត្រពង្រឹងប្រជាប្រិយភាពរបស់ខ្លួនឡើងវិញ តាមរយៈសកម្មភាពផ្សេងៗ ព្រោះប្រជាជនកម្ពុជា ជិតពាក់កណ្តាលប្រទេសកំពុងតែបាត់ជំនឿចិត្តលើនេះ និងកំពុងតែចង់ បានការផ្លាស់ប្តូរ ព្រោះពួកគេទាំងនោះមានមួយចំនួនធ្លាប់ទទួលរងនូវអំពើអយុត្តិធម៌ផ្សេងៗ ក្រោមការដឹកនាំរបស់គណបប្រជាជន។ ទន្ទឹមនឹងនេះគណប្សសង្រ្គោះជាតិ ក៏គេសង្កេតឃើញថាមិនជិះសោះលែងដៃក្នុងការដណ្តើមប្រជាប្រិយភាពពីគណបក្សប្រជាជននោះដែរ៕
ដោយ៖ ហ៊ាង រដ្ឋធានី
រាល់់ការបញ្ចេញមតិរបស់លោកអ្នក សូមប្រកបដោយក្រមសីលធម៌!