ក្រសួងធនធានទឹក ចេញសេចក្ដីជូនដំណឹងបន្ថែម ស្ដីពី បញ្ហាអាកាសធាតុនៅកម្ពុជា
ក្រសួងធនធានទឹក និងឧតុនិយម បានជូនដំណឹងពីជំនន់ទឹកភ្លៀង ដ៏ច្រើនលើសលុបនៅតាមខេត្តមួយចំនួន ចាប់ពីថ្ងៃទី១៨-២៣ ខែកញ្ញា ឆ្នាំ២០១៩ ដោយសារតែប្រព័ន្ធសម្ពាធទាប ដែលកំពុងអូសកាត់លើប្រទេសកម្ពុជា ។
សេចក្តីជូនដំណឹងបន្ថែមរបស់ក្រសួងធនធានទឹក នៅព្រឹកថ្ងៃទី១៧ ខែកញ្ញា ឆ្នាំ២០១៩នេះ បានបញ្ជាក់ថា «យោងតាមការវិវត្ត នៃស្ថានភាពធាតុអាកាស បង្ហាញអោយឃើញថា ប្រព័ន្ធសម្ពាធទាប (ITCZ) បាននឹងបន្តអូសបន្លាយលាតសន្ធឹងពីលើប្រទេសកម្ពុជា ខណៈដែលបច្ចុប្បន្នធ្វើអោយបណ្តាខេត្តមួយចំនួនបាន និងកំពុងរងការយាយីពីជំនន់ទឹកភ្លៀង»។
បើតាមក្រសួងធនធានទឹក បានបញ្ជាក់ថា ដោយប្រព័ន្ធសម្ពាធទាប កាន់តែបង្កើនឥទ្ធិពលគ្របដណ្តប់ លើកម្ពុជានោះ ក្រសួងធនធានទឹក និងឧតុនិយម សូមជូនដំណឹងបន្ថែមទៀត សូមបងប្អូនប្រជាពលរដ្ឋ នៅបណ្តាខេត្តនានា បន្តបង្កើនការប្រុងប្រយ័ត្នខ្ពស់ចំពោះជំនន់ទឹកភ្លៀងដែលបង្កដោយភ្លៀងច្រើនលើសលុប ។ ជាពិសេសខេត្តកោះកុង ព្រះសីហនុ កំពង់ស្ពឺ កំពង់ធំ ពោធិ៍សាត់ បាត់ដំបង ប៉ៃលិន សៀមរាប បន្ទាយមានជ័យ ឧត្តរមានជ័យ និងខេត្តព្រះវិហារ ចាប់ពីថ្ងៃទី ១៨-២៣ ខែកញ្ញា ឆ្នាំ២០១៩ ៕
រាល់់ការបញ្ចេញមតិរបស់លោកអ្នក សូមប្រកបដោយក្រមសីលធម៌!