ក្រសួងសាធារណការ និងដឹកជញ្ជូន ដាក់ដំណើរការផ្លូវការលេខទូរសព្ទទាន់ហេតុការណ៍  " ១២៧៥ " របស់មណ្ឌលប្រឹក្សាយោបល់លើសេវាសាធារណៈ ។ 

នៅព្រឹកថ្ងៃទី ២៦ ខែ សីហា ឆ្នាំ ២០២០ ក្រសួងសាធារណការ និងដឹកជញ្ជូន  បានលើកឡើងថា  ចាប់ពីពេលនេះទៅ បងប្អូនប្រជាពលរដ្ឋ អាចធ្វើការហៅចូលដោយឥតគិតថ្លៃ សម្រាប់លេខទូរសព្ទទាន់ហេតុការណ៍  ( HOTLINE )  ៤ខ្ទង់ " ១២៧៥ " ដើម្បីសាកសួរព័ត៌មាន ដោះស្រាយ​បញ្ហា សុំជំនួយបច្ចេកទេស និងប្រឹក្សាយោបល់ឱ្យកាន់តែមានប្រសិទ្ធភាព ជុំវិញសេវាសាធារណៈ ក្រោមសមត្ថកិច្ចរបស់ក្រសួងសាធារណការ និងដឹកជញ្ជូន ។

ជាពិសេស ពាក់ព័ន្ធលើប្រព័ន្ធស្វ័យប្រវត្តិកម្មចុះបញ្ជីយានជំនិះ ការប្រឡងយកបណ្ណបើកបរ ត្រួតពិនិត្យ លក្ខណៈបច្ចេកទេសយានជំនិះ(ឆៀក) ការផ្ទេរកម្មសិទ្ធិយានជំនិះ ចុះបញ្ជីអាជីវកម្ម កម្មវិធីយល់ដឹងអំពីទ្រឹស្តីនៃការបើកបរ និងកម្មវិធីថែទាំផ្លូវ(ROAD CARE Mobile App)  ជាដើម ៕