កម្មករ-កម្មការនី រោងចក្រ អ៊ិ ចេង ក្នុងខេត្តតាកែវបន្តទាមទារក តំណោះស្រាយ
កម្មករ-កម្មការនីរោងចក្រផលិតស្បែកជើង អ៊ិ ចេង ក្នុងខេត្តតាកែវ បន្តធ្វើបាតុកម្ម កូដកម្មមិនចូលធ្វើការដើម្បី ទាមទាអោយក្រុមហ៊ុន ទទួលយកលក្ខខណ្ឌការងារចំនួន ១០ ចំនុច និងសុំអោយកម្មករ ៤នាក់ដែលក្រុមហ៊ុន បញ្ឈប់បានចូលធ្វើការវិញ បន្ទាប់ពីមន្ទីការងារខេត្តពុំមានប្រសិទ្ធិភាពក្នុងការរកតំណោះស្រាយបញ្ហានេះ។
នៅព្រឹកនេះកម្មករ-កម្មការនី ប្រមាណជា ៥០០ នាក់បានប្រមួលផ្តុំគ្នា នៅខាងមុខរោងចក្រ ក្រោមកំដៅព្រះអាទិត្យដែលក្តៅស្ទើឆេះ និងមានចាក់ធុងបាស់ លាន់ឮ ទ្រហឹងអឹងកង ដោយមិនមាន ការហាមឃាត់នោះទេ ហើយក៏ពុំមានក្រុមសន្តិសុខ ឬសមត្ថកិច្ចនៅទីនោះដែរ។
កម្មការនី ជា ស្រីនួន បំរើការនៅរោងចក្រ អ៊ី ចេង បានប្រាប់វិទ្យុសំឡេងយុវជនVOY អោយដឹងនៅព្រឹកថ្ងៃ ពុធ ទី ២៧ខែឧសភានេះថា ថៅកែរោងចក្រនោះ មានការគាប់សង្កត់លើសិទ្ធិសេរីភាពកម្មករ។ ដូចជាការ ប្រើកម្មករអោ យធ្វើការខុសទួនាទីជាដើម។ ក្រុមកម្មករធ្វើការទាមទានូវលក្ខខណ្ឌការងារចំនួន ១០ ចំនុចពីក្រុមហ៊ុន ចំនុច ដែល សំខាន់គឺការ សុំអោយកម្មករ បួននាក់បានចូលធ្វើការងារវិញ បន្ទាប់ពីក្រុមហ៊ុន បញ្ឈប់ ពួកគេដោ យមិន សំហេតុ ផល។ "ចង់អោយតំណាង ចូលធ្វើការវិញហីក៏តវាអោយបានចំនុច ១០ចំនុច រោងចក្រគេថាគេទទួលយក អត់បានទេ គេអត់មានបញ្ជាក់ពីមូលហេតុអីទេ […]ថៅកែរោងចក្រគាប់សង្កត់សិទ្ធិសេរីភាពរបស់កម្មករពេកទើបកម្មករតវ៉ាតែម្តង។ "
លោក ន័យ ប៊ុនធឿន បុគ្គលឹកសម្ព័ន្ធសហជិពប្រជាធិបតាយ្យកម្មករកាត់ដេរកម្ពុជាប្រចាំរោងចក្រ អ៊ិ ចេង បានអោយ ដឹងថាការធ្វើបាតុកម្មកូដកម្មរបស់ក្រុម កម្មករនេះចាប់ផ្តើមតាំងពីថ្ងៃទី ២០ ខែឧសភាមកម្ល៉េះ។ ហើយកាល់ ពីថ្ងៃ ច័ន្ទ ទី ២៥ ដើមសប្តាហ៍នេះមានការអន្តរាគមន៍ពីមន្ទីការងារខេត្តតាកែវ តែពុំមានលទ្ធិផល។ លោកបញ្ជាក់ថា នៅពេល នេះកម្មករនៅតែបន្តធ្វើកូដកម្មមិនចូលធ្វើការ ហើយខាងសម្ពន្ធ័សហជិពបានរៀបចំឯកសាដាក់ ទៅកាន់ អង្គការ ពា ក់ព័ន្ធ និងអ្នកបញ្ជាទិញដើម្បីជួយអន្តរាគមន៍ហើយដែរ។ "និយាយទៅខាងគាត់នៅតែបន្តនៅមុខរោងចក្រដដែលទេពួកគាត់មិនទាន់មានគម្រោងការអីថ្មីទេ ហើយកាលពីថ្ងៃច័ន្ទយើងបាន ចរចារផ្សះផ្សាគ្នាដែលមានមន្ទីការងារខេត្តជួយអន្តរាគមន៍តែខាង ក្រុម ហ៊ុនបដិសេធចោលទាំងអស់។"
វិទ្យុសំឡេងយុវជន មិនអាចសុំការបំភ្លឺបន្ថែមពីភាគីរោងចក្រទេ នៅថ្ងៃនេះ។
លោក ហ៊ុន ចំរុង មន្ត្រីការិយាល័យការងារខេត្តតាកែវបានបញ្ជាក់ថា ការដោះស្រាយគ្នា ដែលមានបី ភាគី លើចំនួន ១២ចំនុចកន្លងមក គឺមិនមានចំនុចណាមួយត្រូវគ្នាទេ។ លោកបាន បញ្ជាក់ថា ការទទួលយក ឬមិនទទួល យកតំ ណោះស្រាយនេះជាសិទ្ធិរបស់ភាគីទាំងសងខាង មន្ទីការងារមិនអាចបង្ខំនោះទេ។ លោកថាខាង មន្ទីការងារខេត្តបា នបញ្ជួនករណីនេះទៅកាន់ ក្រុមប្រឹក្សាអាជ្ញាកណ្តាល់នៃក្រសួងការងារកាល់ពីម្សិលមិញហើយ។ "យើងបានដោះស្រាយ ១២ ចំនុចដែលគាត់ទាមទានឹង តែមិនប៉ះគ្នាទាំងអស់ អាលូវហ្នឹងមន្ទីបានរៀបចំសំនុំរឿងហ្នឹង បញ្ជួនទៅក្រុមប្រឹក្សាអាជ្ញាកណ្តាលហើយ ព្រោះនេះជាសិទ្ធិរបស់ភាគីទាំងពីរ យើងអត់អាចបង្ខំអោយទទួលយកសំណូមពរបានទេ។"
សូមបញ្ជាក់ថាក្រុមហ៊ុន អ៊ិ ចេង មានទីតាំងស្ថិតនៅតាមបណ្តោយផ្លូវ ជាតិលេខ៣ ភូមិតាំងដូង ឃុំតាំងដូង ស្រុកបាទី ខេត្តតាកែវ ជារោងចក្រផលិត ស្បែកជើង ដែលមានកម្មករបំរើការសរុបជិត ៣ ០០០ នាក់។ ការផ្ទុះបាតុកម្មកូដកម្មនេះ ចាប់តាំងពីថ្ងៃទី ២០ ខែឧសភាឆ្នាំ ២០១៥ បន្ទាប់ពីភាគី ក្រុមហ៊ុនបញ្ឈប់កម្មករ ៤នាក់ពីការងារ ខណៈដែលកម្មករទាំងនោះធ្វើជាតំណាងកម្មករចូលរូមសកម្មភាពជាមួយក្រុមសម្ព័ន្ធសហជិព ស៊ីខៅឌូ បង្កើតសហជិពក្នុងរោងចក្រ។ កម្មករទាំងបួននាក់នោះរួមមាន ឈ្មោះ ប៉ែត លីណា ជា ស៊ីនួន សួន សុង និងឈ្មោះ ស្ងួន ចាន់ធួន។ ចំនុច សំខាន់ៗផ្សេង ទៀតដែលកម្មករទាមទានោះមានដូចជា ការសុំអោយ ក្រុមហ៊ុនទទួល យកសំបុត្រពេទ្យដែលចេញដោយពេទ្យឯកជន ព្រោះក្រុមហ៊ុនទាមទារកសំបុត្រពេទ្យរដ្ឋពេលកម្មករឈឺ និងសុំអោយក្រុមហ៊ុនបញ្ឈប់ការប្រើកម្មករសំអាតដូចអ្នកអាណាម័យ ជាដើម៕
ដោយ៖ ហ៊ាង រដ្ឋធានី, Email: heang.ratheany@mail.com
រាល់់ការបញ្ចេញមតិរបស់លោកអ្នក សូមប្រកបដោយក្រមសីលធម៌!
